Bankat nuk i japin kredi koncesionarit, Milot-Balldren drejt anulimit

Google+ Pinterest LinkedIn Tumblr +

Kontrata për koncesionin e rrugës Milot-Balldren mund të shkojë drejt anulimit.

Sipas “Top Channel”, kontraktori nuk ka mundur dot të gjejë financimet e nevojshme për ndërtimin e rrugës.

Bankat kanë shfaqur dyshime dhe nuk e kanë aprovuar kërkesën për kredi.

Kompania që fitoi projektin ishe “ANK”, me pronar Agim Kolën.

Kjo kompani u shpall fituese e koncesionit me vlerë 161.5 milion euro, ku përveç ndërtimit, do të përgjigjej edhe për mirëmbajtjen.

Koncesioni kaloi me votim në Kuvend, pasi u firmos nga Ministria e Energjisë dhe e Infrastrukturës

Në bazë të kontratës së firmosur, “ANK” do të ndërtonte rrugën prej 17.2 km me paratë e veta, ndërsa shuma do të shlyhej me këste për 13 vjet nga buxheti i shtetit.

Në fillimet e tij, vlera e projektit ishte 50% më e ulët, por më vonë u rrit në 161.5 milion euro.

Ministria e arsyetoi rritjen e kostove, me ndërtimin e rrugëve dytësore dalëse.

Koncesioni për Milot-Balldren është pjesë e paketës 1 miliard euro dhe u propozua nga vetë “ANK”.

Ashtu si në dy herët e mëparshme, tenderi u fitua nga kompania që kishte bërë ofertën e pakërkuar.

Shpërndaje
Share.

Komento