“Më qëllonin dhe më bërtisnin se duhet të bëhesha ushtar”, zbardhet intervista e Alvin Berishës pas kthimit në Itali

Google+ Pinterest LinkedIn Tumblr +

Alvin Berisha mbërriti sot në Itali pas pesë vitesh dhe u bashkua me dy motrat dhe babanë e tij.

Autoritetet shqiptare së bashku me ato italiane, në bashkëpunim me shoqatat humanitare të Kryqit të Kuq dhe Gjysmëhënës siriane, bënë të mundur largimin e tij nga kampi i luftës në Siri.

Alvini është intervistuar nga mediat italiane, pasi ka mbërritur në aeroportin e Romës.

“Ata më mësonin të bëja luftë. Gjithmonë më qëllonin dhe më bërtisnin se duhet të bëhesha ushtar. Më detyruan të flas vetëm në arabisht”, ishte kjo dëshmia e 11-vjeçarit, e zbardhur nga “La Stampa”.

Alvini kishte harruar edhe italishten, pasi për pesë vite në Siri e kanë ndaluar të flasë.

Militantët e ISIS e detyronin të fliste vetëm në arabisht, ndërsa emrin ia kishin ndërruar në Jusuf.

Mësohet se 11-vjeçari u ka thënë shoqëruesve në shqip, se e kishte marrë shumë malli për babanë.

Historia e Alvin Berishës u publikua për herë të parë nga emisioni investigativ “Le Iene”.

Ai u mor në Siri nga nëna e tij, Valbona Berisha, e cila u martua me një xhihadist nga Kosova.

Ajo vdiq së bashku me bashkëshortin e ri si pasojë e një shpërthimi, duke e lënë Alvinin vetëm dhe të plagosur në këmbë.

Shpërndaje
Share.

Komento