Pas vetëdorëzimit në polici të Klement Balilit kanë qenë të shumta reagimet.
Një ndër ta është edhe presidenti i vendit, Ilir Meta, i cili ka përshëndetur sot ndalimin e të shumëkërkuarit, i njohur si “Escobari i Ballkanit”.
Në një prononcim për mediat, Meta ka falënderuar për këtë ndalim, jo vetëm agjencitë ligjzbatuese, por edhe faktorin ndërkombëtar, që ka bërë sipas tij presion të vazhdueshëm për këtë cështje.
“Përshendes ndalimin e Klement Balilit si një person me probleme mjaft serioze me ligjin. Falenderoj jo vetëm agjencitë ligjzbatuese, por edhe partnerët tanë ndërkombëtarë për presionin e gjithanshëm për të arritur këtë rezultat”- tha Meta.