Në një debat të nxehtë mes deputetit Luan Baçi dhe ministrit të Brendshëm Ervin Hoxha, u diskutua ngjarja që ndodhi pak javë më parë, kur deputetët e Partisë Demokratike, nuk u lejuan të hynin në seancën plenare pasi ishin përjashtuar me vendim të Sekretariatit të Etikës.
Baçi insistoi se Forcat e Ndërhyrjes së Shpejtë (FNSH) ishin të pranishme dhe të armatosura në oborrin e Kuvendit, një akuzë që ministri Hoxha e cilësoi si gënjeshtër.
Pjesë nga diskutimi:
• Baçi: “Normaliteti ju imponua nga gjykata. Nuk ka nevojë për vendim gjykate, mjafton të zbatoni rregulloren e Kuvendit. Jashtë në Kuvend janë futur Forcat e Ndërhyrjes së Shpejtë. Kanë qenë me arme dhe duhet të mbani përgjegjësi.”
• Hoxha: “Turp të të vijë.”
• Baçi: “Ty të të vijë turp që gënjen ashtu. Harrojeni që mund të kem frikë. Sot nuk ka normalitet, nuk kemi ardhur këtu të bashkëpunojmë me ju. Doni të na zhbëni dhe të vidhni rehat. Nuk ka seancë normale me ju, por vetëm me qytetarët.”
Në këtë diskutim, Baçi theksoi se nuk ka asnjë mundësi për normalitet derisa të respektohen rregullat dhe të jetë e mundur një bashkëpunim me opozitën. Ai akuzoi se mazhoranca po përpiqej të minonte funksionimin normal të Kuvendit.
