Forcat policore ‘Shqiponja’ në bashkëpunim me ato RENEA kanë zhvilluar një aksion blic në qytetin e Peqinit. Nga ky opercaion u arrestua shtetasi F.Manehasa, pronar i një pike makinash të përdorura në aksin Peqin-Rrogozhinë.
Mendohet se Manhesa ka lidhje ngjarjen që ndodhi para pk ditësh në këtë qytet , ku u vra pranë shtëpisë 39-vjeçari Emiljano Ramazani, i njohur ndryshe si “Rrahmani”.
Mësohet se Manehasa, 35 vjeç, i cilësuar si një person me rrezikshmëri të lartë , i ka bërë rezistencë policisë, por nuk ka zgjatur shumë dhe është vënë në pranga.Në automjetin e 35 vjeçarit u gjet një armë, që pas ekzaminimit nga ekspertët hetimorë do të mund të shihet nëse është përdorur në ndonjë nga ngjarjet e fundit kriminale.
Ky Operacioni u ndoq nga afër edhe nga drejtori i policisë së shtetit, Ardi Veliu, gjithashtu në drejtorinë e policisë Elbasan ka mbërritur dhe drejtori i krimeve të rënda Arben Dashi.
Emiljano Ramazani, 39 vjeç u ekzekutua më 21 korrik në vendin e quajtur “Rrethrrotullimi i luleve”. Viktima është qëlluar me breshëri plumbash nga një makinë në ecje, që kishte minimumi dy persona brenda.
Ramazani, është një person me precedentë të mëparshëm penal dhe emër i njohur për policinë.Në vitin 2012 gjatë operacionit të koduar “Tabakane 2”, Emiliano Ramazani i njohur edhe me nofkën “Rramani” dhe “Ili” u arrestua së bashku me 5 të tjerë pasi prokuroria kishte prerë fletë arresti për prodhimit dhe mbajtjes së lëndëve narkotike të kryer në bashkëpunim në formën e shitjes më shumë se një herë.
