“Asnjë pensionist në rrugë, apo ecje dyshe”, Rama izolon të moshuarit dhe urdhëron policinë t’i kthejë mbrapsht

Google+ Pinterest LinkedIn Tumblr +

Ditën e sotme kryeministri Edi Rama doli në rrugë për të kthyer në shtëpi të gjithë pensionistët që kanë thyer karantinën dhe kanë dalë jashtë.

Në video-konferencën që po mban me ministrat, këtë veprim ai ua ka kërkuar të gjithë të rinjve që shohin të moshuar në rrugë duhet t’iu kërkojë të kthehen në shtëpi.

Kryeministri ka dhënë urdhër të prerë që asnjë i moshuar apo pensionist të mos dalë në rrugë dhe se policia duhet t’i kthejë mbrapsht.

Rama gjithashtu u shpreh se nuk lejohen më as ecjet dyshe në rrugë, edhe nëse janë burrë e grua.

“Gjëja që duhet bërë është që asnjë pensionist të mos dalë në rrugë. Policia do ndalojë çdo pensionist dhe do t’i thotë, ‘xhaxhi ik në shtëpi’, s’ka më jo po shkoj këtu, e jo po shkoj atje. Asnjë pensionist në rrugë. T’i thonë, nuk kalon dhe kthehu mbrapsht, ik në shtëpi. Apo ecjen në këmbë, dyshe. Jo, jemi burrë e grua. Të gjithë një nga një. Të ecin të mbarojnë punë dhe të shkojnë në shtëpi,”– u shpreh Rama.

Ndër të tjera, Rama tha se dritat nuk do falen dhe do paguhen nga çdo shtetas përndryshe do iu ndërpritet energjia elektrike, sepse nëse nuk paguhen atëherë ekonomia do rrënohet edhe më keq.

Po ashtu, kreu i qeverisë tha se edhe taksat do paguhen sepse përndryshe do biem në një gropë që s’do na gjejë as korona.

Kryeministri Edi Rama u ka thënë të gjithë shqiptarëve që të mos i hapin derën pronarit të shtëpisë kur t’u shkojë për t’u marrë qiranë në këtë kohë ‘lufte’ që Shqipëria po përballet me COVID-19, pasi sipas tij nuk është koha për të kërkuar qiratë.

“Faturat e dritave dhe taksat do paguhen një për një. Kurseni se s’u bë deti kos!”, Rama mbledh ministrat

Shpërndaje
Share.

Komento