Edhe pse kjo ka qenë një ditë shumë e gjatë për artistët dhe qytetarët, ata nuk kanë hequr dorë së protestuari kundër shembjes së Teatrit Kombëtar.
Artistët dhe përfaqësuesit e shoqërisë civile edhe pse janë konfrontuar fizikisht me policinë, kanë arritur të futen të gjithë brenda ambienteve të Teatrit.
Por, ambienti është në terr të plotë, pasi kanë ndërprerë energjinë elektrike. Pavarësisht kësaj vështirësie, aktorët nuk kanë hequr dorë dhe po vazhdojnë të qëndrojnë brenda Teatrit me elektrik dore dhe me ndriçimin e celularëve.
Atyre mund t’u nevojitet ushqim dhe ujë, pasi mendohet se do të ndërpresin edhe ujin, kjo për të nxitur aktorët e popullin e thjeshtë të dalin nga Teatri dhe për të vazhduar më pas me prishjen e plotë të godinës.
