Artan Hoxha:OFL show mediatik, operacioni i sotëm italo-shqiptar i fryrë politikisht, ja si qëndron e vërteta e tyre

Google+ Pinterest LinkedIn Tumblr +

Gazetari Artan Hoxha i ftuar mbrëmjen e sotme në emisionin “Provokacija” ka folur për Operacionin Forca e Ligjit dhe operacionin e sotëm italo-shqiptar për arrestimin e 37 personave.

Sipas Hoxhës OFL-ja është një show mediatik dhe se me gjithë formularët që dërgohen te individët e skeduar, një pjesë e automjeteve të konfiskuara janë kthyer mbrapsht.

Ai u shpreh se këta persona i kanë marrë masat e më herët duke mbuluar të dhënat që të çojnë te bizneset e tyre të ngritura me para të pista.

“Sot ka ardhur momenti që të flasim për OFL. Ajo është më tepër një show. Ajo ka një listë të personave që janë dënuar. Tani janë kthyer në jetën e tyre. OFL i jep çdo ditë medias disa emra të dënuar në vite. Këta janë njerëz që janë dënuar.

Reporterët futen në google dhe gjejnë gjithë backgroundin aty. E rikthejnë dhe del sikur policia po merret edhe njëherë me ta. Policia i çon letrat që këto prona i keni me punë të ndershme. Nëse nuk e vërtetojnë ja çojnë SPAK.

Por këta i kanë marrë masat para OFL. Këta kanë mësuar si ta shpëtojnë pronën. Një pjesë e mirë e automjeteve të konfiskuara SPAK i ka kthyer mbrapsht. Duke i përmendur ata dëshmon se nuk ka lidhje me ta. Ky është një operacion mediatik. Sot krimi është më i fuqishëm se të gjithë. Atë që ne e shohim vërtetë është paraja. Bizneset ata i kanë të mbuluara. I kanë kamufluar”, deklaroi Artan Hoxha

Ndërkohë që operacionin me 37 të arrestuar nga policia italiane në bashkëpunim me atë shqiptare,  Artan Hoxha e ka cilësuar si të fryrë politikisht për të shpërqendruar vëmendjen.

Hoxha tha se një pjesë e atyre personave që janë publikuar në listën e të arrestuarve janë dënuar më herët, ndërsa u shpreh se angazhimi i SPAK në këtë operacion nuk ishte i frytshëm.

“Ky operacion u shit politikisht. Ka folur SPAK , e ka mbështetur ambasada amerikane. Prokurorët që sot janë pjesë e SPAK e kanë bërë këtë punë pa pasur SPAK fare. Njëri nga ata personat që ishte te ajo lista sot më ka marrë në telefon dhe më ka thënë se jam i dënuar. Emrat që përmendën ata sot, episodet. Episodi më i bujshëm kanë qenë dy persona me rulot.

Unë nisem nga ata që ne kërkojmë të godasë SPAK. SPAK është ngritur për gjëra të mëdha. Ajo që unë e mirëkuptoj ambasadën amerikane se do t’i japë zemër SPAK por ende nuk janë ato që duhen bërë. Zhurma ishte më e madhe se goditja.

Forcat speciale kur ndërhyjnë përdorin një granatë që të huton por nuk të vret. Këtë bënë këta sot. A janë këta më të rëndësishëm se Habilaj apo se ata që po bëjnë luftë. Jemi ende në hapin e parë”, tha Artan Hoxha

 

 

Shpërndaje
Share.

Komento