Arrestohen babë e bir në Korçë, policia u gjen kanabis në makinë

Google+ Pinterest LinkedIn Tumblr +

Babë e bir janë arrestuar ditën e sotme në Korçë nga Specialistët e Seksionit për Narkotikët. Gjatë një kontrolli rutinë, policia u ka gjetur një sasi të vogël kanabis në mjetin e tyre tip “Volkswagen”.

Kontrolli i policisë vijoi më tej duke shkuar në banesën e shtetasve, ku gjetën të kultivuara kanabis.

Në flagrancë janë arrestuar në flagrancë D.L, 19 vjeç dhe XH.l, 51 vjeç , banues në fshatin Gjonomadh të Korçës.

Lidhur me këtë rast, u referuan materialet në Prokurorinë pranë Gjykatës së Shkallës së Parë Korçë, për veprat penale “Shpërdorimi i detyrës” dhe “Moskallëzimi i krimit” edhe ndaj shtetasit N.S, 40 vjeç, me detyrë kryetar i fshatit Gjonomadh.

Njoftimi i Policisë:

Korçë,

Specialistët e Seksionit për Narkotikët, në Drejtorinë Vendore të Policisë Korçë, bënë arrestimin në flagrancë të shtetasve:

D.L, 19 vjeç dhe Xh.L, 51 vjeç, (atë e bir), banues në fshatin Gjonomadh, Korçë.

Arrestimi i tyre u bë pasi, gjatë kontrollit që shërbimet e Njësisë Operacionale të Rendit Publik Korçë, ushtruan në mjetin tip “Volksëagen”, në lagjen nr.17, shtetasit D.L, iu gjet dhe sekuestrua në cilësinë e provës materiale një sasi e vogël me lëndë të dyshuar narkotike kanabis.

Gjithashtu gjatë kontrollit të ushtruar në banesën e tyre në fshatin Gjonomadh, u gjetën të kultivuara bimë të dyshuara narkotike kanabis.

Lidhur me këtë rast, u referuan materialet në Prokurorinë pranë Gjykatës së Shkallës së Parë Korçë, për veprat penale “Shpërdorimi i detyrës” dhe “Moskallëzimi i krimit” edhe ndaj shtetasit N.S, 40 vjeç, me detyrë kryetar i fshatit Gjonomadh.

Shpërndaje
Share.

Komento