Dosja 339 është një prej skandaleve më të mëdha të manipulimit të zgjedhjeve në Shqipëri, por në momentin që SPAK bëri një hap për të “shkundur” paksa këtë dosje, kanë dalë në dritë edhe problemet.
Mësohet se në mesin e 22 urdhër arresteve të lëshuara nga SPAK, dy prej personave janë të vdekur. Ata kanë ndërruar jetë kohë më parë, por nuk ishin ç’regjistruar ende në Gjendjen Civile. Kjo ka hutuar Strukturën e Posaçme Kundër Krimit të Organizuar dhe Korrupsionit (SPAK) që ka kërkuar arrestimin e tyre.
Në momentin kur oficerët e Policisë Gjyqësore kanë shkuar në banesat e dy personave për t’i arrestuar, kanë mësuar se ata kanë ndërruar jetë.
Kjo gafë nuk është vogël për SPAK, që synon të çojë prapa hekurave bosët e krimit të organizuar dhe korrupsionit në Shqipëri.