Gjesti i sulmuesit të Austrisë, Marko Arnautoviç gjatë ndeshjes së djeshme me Maqedoninë e Veriut, bëri shumë bujë dhe shkaktori debat në mediat ballkanase dhe jo vetëm.
Kur Arnautoviç shënoi në minutën e 89-të, në festën e golit të tretë, ai zgjodhitë festonte duke sharë mbrojtësin shqiptar Egzon Bejtullai.
“Të q**** mamanë shqiptare”, ishin fjalët e rënda të ish-sulmeusit të Interit. Menjëherë për të qetësuar situatën reagoi edhe kapiteni i Austrisë, David Alaba, i cili tentoi që t”i mbyllte gojën shokut të ekipit, por tashmë kamerat kishin kapur gjithçka.
Megjithatë, futbollisti ka reaguar pas incidentit me anë të një “story” në Instagram. Ai thotë se nuk është racist dhe se ka shokë nga secili shtet dhe se gjithçka ndodhi nga emocionet e ndeshjes. Më tej ai kërkon falje në gjuhën shqipe.
“Kishte disa fjalë urrejtje mes emocioneve në këtë ndeshje dhe për të cilat unë kërkoj falje. Më saktësisht për miqtë e mi nga Maqedonia e Veriut dhe Shqipëria. Dua të qartësoj diçka: “Nuk jam racist”. Kam shokë nga secili shtet. Kush më njeh mua e di këtë gjë. Më falni”, shkruan Arnautovic.
Nuk dihet ende nëse UEFA do të marrë një masë disiplinore ndaj futbollistit, pasi thirrjet etnike dhe raciste nuk lejohen në fushën e lojës. Arnautoviç është me origjinë serbe, përfaqëson Austrinë në nivel kombëtaresh.
