Debatit për ngërçin në Gjykatën Kushtetuese, i është bashkuar edhe ambasadori italian në Tiranë, Alberto Cutillo.
Cutillo është shprehur, se ngritja e këtij organi është thelbësore.
Ai u ka bërë thirrje palëve që të bashkëpunojnë dhe të gjejnë një zgjidhje.
Më tej ambasadori ka sugjeruar, që për këtë çështje t’i merret mendim Komisionit të Venecias.
Ndër të tjera Cutillo ka shtuar se është e rëndësishme që të bjerë çdo dyshim për Gjykatën Kushtetuese dhe gjërat të mos bëhen me shpejtësi.
“Sekuestrimet e pasurive te krimit janë efikase dhe shpresoj të bëhen edhe në Shqipëri. Është shumë e rëndësishme që Shqipëria dhe Italia të bashkëpunojnë së bashku në lidhje me këtë. Nuk i njoh zhvillimet e fundit për Kushtetuesen, por u në them se është thelbësore për shumë vende edhe në Shqipëri. Duhet të jetë në funksion sa më të shpejtë, dhe në baze të ligjit dhe procedurave. Ka një debat për kompetencat por që duhet të bashkëpunojnë për një zgjidhje që të jete e mirëpritur. T’i kërkohet një mendim Komisionit të Venecias. Besoj është e rëndësishme të kemi një rrugëtim për çdo dyshim për këtë gjykatë. Mund të bëhet shumë shpejtë. E rëndësishme është që të bjerë poshtë çdo lloj dyshimi. Ky është sugjerim personal”, ka deklaruar ambasadori Cutillo.
