Kryeministri Edi Rama shpalosi sot planin e qeverisë për luftën kundër krimit të organizuar dhe prokurorëve e gjyqtarëve të korruptuar.
Gjithashtu shefi i qeverisë theksoi 7 prioritetet deri në fund të mandatit, duke filluar nga lufta kundër krimit të organizuar, lirimi i vijës bregdetare, e deri te “Minishengeni Ballkanik”.
Gjatë fjalës së tij, Rama u ndal edhe tek sulmet e presidentit Meta ndaj ndërkombëtarëve.
Kreu i qeverisë i ka quajtur të turpshme etiketimet e Metës ndaj ambasadorëve, ndërsa ka cituar edhe Kanunin e Lekë Dukagjinit, i cili thotë se shtëpia e shqiptarit është e zotit dhe e mikut.
Përsa i përket konfliktit për Gjykatën Kushtetuese, Rama është shprehur, se ka vepruar në një linjë me partnerët ndërkombëtarë.
Fjala e Ramës
Ajo që bën Kreu i Shtetit ndaj përfaqësuesit është jo vetëm e turpshme, jo vetëm në kundërshtim me konventën e Vjenës, po është e turpshme që për paraardhësit tanë që kur është shkruar Kanuni: Shpia e shqiptarët është e Zotit dhe e mikut. Turp turp turp, jemi në një linjë me SHBA sepse ne e bëjmë këtë për gjeneratat e tjera, sepse kjo është rruga e duhur, që e çon vendin tonë në një nivel si ai që e shohim me admirim nga larg. Në cdo hap për reformën në drejtësi, me anëtarët e Gjykatës Kushtetuese kemi qenën 100% në një linjë me partnerët tanë. Ata nuk janë në Shqipëri, as për të qeverisur e as për të marrë dardha janë për të garantuar interesat strategjike në lidhje me Shqipërinë.
