Aksidenti ku mbetën të plagosur 7 pasagjerë, dalin pamjet e makinës së shkatërruar

Google+ Pinterest LinkedIn Tumblr +

Policia Rrugore ka bërë të mundur ditën e sotme arrestimin e 34-vjeçarit Spartak Çela.

Ky i fundit është drejtuesi i mjetit i cili ditën e djeshme u aksidentua në aksin rrugor Korçë-Pogradec, pranë fshatit Vërdovë duke drejtuar mjetin tip “Land Rover”.

Ditën e sotme kanë dalë edhe pamjet e makinës së shkatërruar pas aksidentit që ndodhi vetëm një natë më parë. Nga ky aksident, e theksojmë se mbetën të plagosur 7 persona.

Drejtuesi i mjetit humbi kontrollin, ku mendohet se shkak i këtij aksidenti të jetë bërë moti i keq. Në pjesën më të madhe të vendit, mbrëmjen e djeshme ka pasur rreshje shiu e stuhi të fuqishme.

Të plagosurit janë; E.M. 45 vjeç, D.A. 23 vjeç, L.D. 39 vjeç, A.H. 26 vjeç, E.G. 40 vjeç dhe A.G. 49 vjeç.  Mes tyre dy vëllezërit E.G. 40 vjeç dhe A.G. 49 vjeçm u nisën drejt Spitalit Ushtarak në Tiranë në gjendje të rëndë. Ndërsa të tjerët pavarësisht dëmtimeve që kanë marrë në kokë dhe trup janë jashtë rrezikut për jetën.

Shpërndaje
Share.

Komento