Aksidenti fatal në Lezhë, zbulohet identiteti i viktimës

Google+ Pinterest LinkedIn Tumblr +

Një aksident i rëndë u regjistrua pasditen e sotme në aksin Lezhë-Shkodër.

Një makinë dhe një motor u përplasën fuqishëm me njëri-tjetrin.

Si pasojë e përplasjes, ndërroi jetë drejtuesi i motorit.

“Balkanweb” shkruan se viktima është 61-vjeçari Zef Stenaj.

Drejtuesi i mjetit me iniciale M.Sh., është shoqëruar në komisariatin e policisë.

Shkaqet e aksidentit nuk dihen ende.

Policia ndërkohë ndodhet në vendin e ngjarjes dhe po punon për zbardhjen e rrethanave.

Njoftimi i policisë:

Në aksin rrugor Lezhë-Shkodër, tek vendi i quajtur “Kryqëzimi i Balldrenit”, mjeti me drejtues shtetasin M.Sh., është përplasur me motoçikletën me drejtues shtetasin Z.S., 61 vjeç,banues në Torovicë, Lezhë, i cili për pasojë ka humbur jetën.

Drejtuesi i mjetit M.Sh.,është shoqeruar në ambjentet e Komisariatit të Policisë Lezhë për veprime të mëtejshme. Grupi hetimor vazhdon veprimet në vendngjarje për sqarimin e rrethanave të aksidentit.

Shpërndaje
Share.

Komento