Një aksident i rëndë ndodhi në aksin rrugor nacional “Pushimi i Shoferit” në Divjakë.
Një automjet Benz me targa AB 270 PC, i drejtuar nga një 18-vjeçar me inicialet K.Xh., përplasi për vdekje një këmbësor që po kalonte rrugën pranë banesës së tij.
Viktima, Ruhi Kurteshi, 92 vjeç nga fshati Këmishtaj, humbi jetën në vend si pasojë e goditjes së fuqishme.
Drejtuesi i makinës u ndalua nga Policia dhe po merret në pyetje, ndërsa grupi hetimor po punon për zbardhjen e plotë të shkaqeve dhe rrethanave të aksidentit.
Autoritetet apelojnë tek shoferët që të tregojnë kujdes të shtuar, të respektojnë shpejtësinë e lejuar dhe të jenë vigjilentë në zonat e banuara, për të shmangur tragjedi të tilla në rrugë.
