Aksident i rëndë: Përplasi për vdekje këmbësorin, arrestohet shoferi

Google+ Pinterest LinkedIn Tumblr +

Një aksident i rëndë ka ndodhur mbrëmjen e sotme në aksin rrugor Ura Vajgurore-Kuçovë, në vendin e quajtur ‘Meteor’.

Sipas një njoftimi për mediat nga Policia bëhet me dije se një automjet tip ‘Benz’ ka aksidentuar për vdekje një 40-vjeçar, me iniciale A.D.

Nga ana tjetër, drejtuesi i mjetit me iniciale R.D. është shoqëruar në ambientet e Policisë për veprime të mëtejshme, teksa ende nuk dihen shkaqet e aksidentit.

Grupi hetimor po punon per zbardhjen e shkakut të aksidentit.

Kujtojmë se aksidentet e shumta rrugore kanë bërë që masat ndaj shoferëve të shtohen dhe në janar policia paralajmëroi se shumë shpejt, përveç dregerit të alkoolit, do përdorë edhe dragerin për të parë nëse drejtuesit kanë konsumuar lëndë narkotike.

Po ashtu, ministri i Brendshëm, Sandër Lleshaj deklaroi se për herë të parë në Shqipëri shoferët do t’i nënshtrohen të ashtuquajturit ‘testi i idiotit’, për të parë gjendjen e tyre psikologjike kur efektivët shohin sjellje të dyshimta.

Ndryshime pritet të bëhen në Kodin Rrugor, ku parashikohet që drejtuesit e rinj të automjeteve të kenë më shumë penalizim se të tjerët dhe kjo masë parashikon që shoferët të cilët kanë më pak se 3 vite që kanë marrë patentën do të ndëshkohen 50 % më shumë për disa nga shkeljet e qarkullimit rrugor, si: parakalimet e gabuara, për përdorimin e alkoolit, mosdhënien e përparësisë, e disa shkelje të tjera.

Masa do merren gjithashtu edhe për këmbësorët, pasi parashikohet një rritje e gjobës për ta, e cila do fillojë nga 1 mijë deri në 4 mijë lekë.

Ndryshime në Kodin Rrugor, ashpërsohen masat për shoferët e rinj dhe këmbësorët

Shpërndaje
Share.

Komento