Një aksident i ndodhur në Turqi, rreth orës lokale 06:40 të mëngjesit të së enjtes, shënoi 9 të vdekur dhe 46 të plagosur. Kjo ndodhi pasi një tren i shpejtësisë së lartë u përplas me një tren lokal të kryeqytetit, në Ankara.
Në pamjet e para nga aksidenti, kemi trenat e shkatërruar në hekurudhë dhe lokomotivat e dëmtuara në rrugën Ankara-Konya.
Treni po udhëtonte nga Ankaraja për në qytetin e Konias, në perëndim të Turqisë.
Aksidenti ndodhi në stacionin hekurudhor Marsandiz, rreth 8 km larg nga stacioni kryesor i Ankarasë. Shërbimet e emergjencës, zjarrfikësit dhe ekipet kombëtare të shpëtimit mjekësor janë dërguar në vendin e ngjarjes.
Nga zyrtarët u raportua se treni që ishte me shpejtësi të lartë, u përplas me një tren tjetër e pastaj me një mbikalim.
Memaliaj/ Shpërthim tritoli në banesën e administratorit të Qesaratit, autorët djegin ‘Range Rover’ dhe zhduken në këmbë
Një shpërthim me lëndë plasëse ka ndodhur në orët e para të mëngjesit në fshatin Toç, në Memaliaj, duke shënjestruar...
