Një aksident i rëndë me pasojë dy viktima ka ndodhur pasditen e sotme në Lushnje. Ngjarja tragjike ka nodhur rreth orës 18:30 në aksin rrugor Lushnjë-Krutje, në fshatin “Gurrëz e vogël”, ku një mjet tip “Reno” ka dalë nga rruga dhe si pasojë e përplasjes ka ndërruar jetë drejtuesi dhe pasagjeri i mjetit . Mësohet se mjeti në të cilin dy personat udhëtonin ka humbur ekuilibrin dhe ka dalë nga rruga ndërsa ende nuk bëhet i ditur identiteti i viktimave dhe mosha e tyre. Policia njofton se grupi hetimor ka mbërritur tashmë në vendin e ngjarjes dhe është duke punuar për të identifikuar personat që kanë humbur jetën në aksident dhe për të zbardhur rrethanat e plota e shkaqet e ngjarjes. Ndërkohë, dy personat kanë humbur jetën në vend dhe bëhet me dije se ata janë nxjerrë nga mjeti dhe janë dërguar më pas në morg.
Njoftimi i plotë i Policisë së Shtetit:
Lushnje/ Informacion paraprak
Sot rreth orës 18:30, në aksin rrugor Lushnjë-Krutje, në fshatin “Gurrëz e vogël”, automjeti tip “Reno “, ka dalë nga rruga, ku për pasojë janë dëmtuar dhe kanë ndërruar jetë drejtuesi dhe pasagjeri në mjet.
Grupi hetimor po punon për identifikimin e viktimave dhe zbardhjen e plotë të ngjarjes.
