Bashkëshortja e kryebashkiakut të Tiranës mbërriti në aeroportin e Rinasit në orën 20:25 të mbrëmjes së sotme. Xoxa vendosi të kthehet vetë në Shqipëri me një fluturim nga Roma, pas njoftimit për masën e sigurisë të vendosur nga Gjykata e Posaçme.
Kthimi i saj në vend vjen në të njëjtën ditë kur Prokuroria e Posaçme Kundër Krimit të Organizuar (SPAK) arrestoi bashkëshortin e saj, kryebashkiakun Erion Veliaj.
Veliaj ndodhet tashmë në qeli, ndërsa për Ajola Xoxën është caktuar masa “arrest shtëpie”. Prokuroria e akuzon atë për tre vepra penale: korrupsion, pastrim parash dhe fshehje pasurie.
