Administrata Biden/ Çështjet e Ballkanit, sekretari amerikan: Do ta shtyjmë përpara procesin e dialogut të Kosovës!

Google+ Pinterest LinkedIn Tumblr +

Sekretari në ardhje pranë presidentit, Joe Biden, Anthony Blinken ka dhënë sinjale pozitive për rregullimin e marrëdhënieve mes Kosovës dhe Serbisë.

Për mediat vendase, Blinken ka folur për hapat që do të marrë Amerika në marrëdhëniet ndërkombëtare nën administratën e Biden.

Ndër të tjera, ai vlerësoi edhe punën e bërë nga administrata e Donald Trump.

“Asnjë parti nuk ka monopol në ide të mira. Të gjitha idetë e mira qëndrojnë. Të mundohemi të avancojmë sigurinë e popullit amerikan jashtë kufijve. Jam i gatshëm të bëjë këtë. Janë një numër i gjërave që ka bërë administrata Trump jashtë të cilat i mbështes.

“Duartrokas punën për normalizim të marrëdhënieve me Izraelin. Ju përmendet edhe punën e kryer mes Kosovës dhe Serbisë. Duartrokas edhe atë dhe punën që është bërë. Presidenti në zgjedhje ka kaluar kohë të shumtë në këto shtete në të kaluarën.

E kemi përmendur disa herë punën që duhet bërë për të çuar Kosovën përpara, dhe me shpresë, edhe Serbinë. Dhe sigurisht të bëjmë aleatët që të investohen më shumë. Në fund, dua të shtoj se presidenti Trump kishte të drejtë që mori një qasje më të fortë ndaj Kinës”, ka deklaruar Blinken.

Kujtojmë se vetëm disa muaj para zgjedhjeve presidenciale, Trump organizoi takimin dypalësh ku SHBA do ishte si negociatore, midis Serbisë dhe Kosovës në Uashington.

Takimi u përmbyll me nënshkrimin e disa marrëveshjeve me karakter ekonomik midis të dyja vendeve./Gazetareforma.com/

Shpërndaje
Share.

Komento