Kryetarja e Lëvizjes Socialiste për Integrim, Monika Kryemadhi ka uruar diten e 7 Marsit për mësuesit nëpërmjet një postimi në Facebook. Ajo shkruan se gjithmonë jemi nxënës dhe për 7 Mars nuk mund të harrojmë ata që na kanë mësuar dhe se mirënjohja është nje fjale e pamjaftueshme për ta. Kryemadhi thotë se i përulet mësuesve të saj dhe misionit të tyre të shenjtë dhe se gjithmonë do të mbetet nxënësja e tyre.
Positmi i plotë i Monika kryemadhit:
Mbetemi gjithmonë nxënës…!
Jemi gjithmonë nxënës, ndaj dhe në 7 Mars nuk mund të harrojmë kurrë se kush kanë qenë ata, që na mësuan, na futën në botën e madhe të librit, të dijes dhe të edukatës së mirë.
Mirënjohja është gjithmonë një fjalë e pamjaftueshme për të përmbledhur atë gjithçka të madhe, që mësuesit bënë me ne.
Misionarët e të mirës, që kanë festën e tyre sot më 7 Mars, na mësuan të mbetemi nxënës përjetë, të jemi modest, të jemi të duruar siç kanë qenë ata të duruar me ne, për të na mësuar dhe për të kuptuar se të mësuarit nuk ndalet, siç nuk ndalet jeta.
I përulem mësuesve të mi, i përulem misionit tuaj të shenjtë dhe mbetem gjithmonë nxënësja juaj.
