SPAK ka marrë të pandehur tre anëtarë të Komisionit të Vlerësimit të Ofertave paranë Ministrisë së Mbrojtjes, pas denoncimit të bërë nga Partia Demokratike për abuzimet me tenderin e ushqimeve për familjet në nevojë.
Bëhet fjalë për zyrtarët Ylli Imeri, Dafina Keca dhe Andrea Dapaj, të cilët akuzohen për shkelje të barazisë në tendera.
Kujtojmë se më 9 prill PD dorëzoi në SPAK një kallëzim penal në ngarkim dhe të ministres së Mbrojtjes, Olta Xhaçka. PD gjithashtu kallëzoi dhe anëtarët e Komisionit të Vlerësimit të Ofertave në Ministrinë e Mbrojtjes, dhe shoqëritë “EUROVIA” shpk, dhe XPERT SYSTEMS sh.p.k.
Sipas selisë blu, ministrja Xhaçka ka abuzuar me tenderin e ushqimeve me vlerë 1.5 milion euro , duke favorizuar në garë kompaninë celulare maqedonase e cila vetëm 1 javë para tenderit kishte ndryshuar subjektin
Në kallëzimin e firmosur nga sekretari i përgjithshëm i PD Gazment Bardhi tuhej se në dokumentet e tenderit mungon argumentimi se përse janë ftuar kompanitë e shpallura fituese “EUROVIA” shpknj dhe shoqëria XPERT SYSTEMS sh.p.k., në kushtet kur asnjëra prej tyre nuk është e specializuar në fushën e objektit të prokurimit.
SPAK ka marrë në pyetje ministren Xhaçka dhe deri më tani nuk ka gjetur asnjë fakt që tregon se është e implikuar.
