Ministrja e Shëndetësisë, Ogerta Manastirliu ka folur ditën e sotme në Kuvend ku është shprehur se përhapja e pa kontrolluar e virusit shkakton edhe përhapje të pakontrollueshme. Ajo nuk e ka konfirmuar prezencën e variative të reja të COVID-19 në vendin tonë, por ka thënë se ka dyshime se atom und të kenë hyrë. Ndër të tjera ministrja ka lajmëruar se me ardhjen e dozave të tjera të vaksinës do të nis procesi i vaksinimit edhe për mësuesit.
“Kemi një incidencë dy javore mbi 400 raste për një mijë banorë që duke e krahasuar me dy javë më parë kemi një ulje. Përhapja e pa kontrolluar e virusit shkakton dhe përhapje të pakontrollueshme. Prej më shumë se dy javësh ne kemi forcuar orën policore nga ora 20:00 deri në 06:00, ende nuk është certifikuar prezenca e varianteve të reja të Covid në vendin tonë, por ne dyshojmë se ato janë në qarkullim. Sot kemi më shumë jetë të mbrojtura të mjekëve në spitale dhe në qendrat shëndetësore me vijimin prej disa javësh të vaksinës anti Covid. Sot jemi në pritje të ardhjes së 150 210 dozash të vaksinave nga kontrata e Pfizer dhe presim nga Covax që brenda dy javëve të para të marsit të mbërrijnë dhe mbi 14 mijë doza nga AstraZeneca, për të vijuar më pas me fushatën e vaksinimit të mësuesve dhe të shtresave të tjera të rrezikuara”
Ndërkohë, situata e pandemisë në vendin tonë vazhdon të jetë mjaft kritike teksa vetëm ditën e djeshme janë raportuar 952 raste të reja infektimesh dhe 21 viktima. Spitalet COVID janë thuajse drejt ezaurimit të plotë, ndërsa e rëndë paraqitet situate edhe në rrethe ku vetëm ditën e djeshme kanë humbur jetën 4 persona në spitalin COVID në Shkodër. Procesi i vaksinimit po ecën me ritme mjaft të ngadalta me vetëm 17 355 doza që vendi ynë ka arritur të sigurojë deri tani.
