Në Kosovë do të mbërrijnë së shpejti shiringat që do të përdoren për vaksinat anti COVID. Lajmin e ka bërë të ditur shefi i Zyrës së UNICEF-it në Kosovë, Murat Sahin. Në një postim në Tëitter ai shkruan se ka thënë se në fluturimin e sotëm, do të arrijnë në Kosovë shiringat.
“Me fluturimin e sotëm do të arrijë dërgesa e parë e shiringave që do të përdorën për vaksinat anti-COVID në Prishtinë. Së shpejti detaje edhe për arritjen e vaksinave. Bashkë mundemi!”, shkruan Sahin.
Tonights flight will deliver first shipment of syringes to be used with #covid19 vaccines in #Pristina. Soon, details for #vaccines arrival #togetherwecan #covax pic.twitter.com/3rMkpg7rYz
— murat sahin (@himuratsahin) February 25, 2021
Ndërkohë, Ministria e Shëndetësisë ka miratuar tashmë planin e vaksinimit për qytetarët. në një përgjigje për Telegrafin ministria ka thënë se këtë javë do të merret një përgjigje nga COVAX për datën kur vaksinat do të arrijnë në Kosovë. Sipas ministrisë pritet vetëm konfirmimi nga COVAX që të fillojë procesi. Më herët ministri në detyrë i Shëndetësisë në Kosovë, Armend Zemaj, ka bërë të ditur se tashmë kanë mbërritur frigoriferët për ruajtjen e vaksinës antiCovid. Në një postim në Facebook ai ka bërë të ditur se shumë shpejt do të mbërrijnë edhe vaksinat dhe se janë marrë të gjitha masat për mbarëvajtjen e procesit, por data e saktë e mbërritjes së vaksinave pritet ende të bëhet e ditur në vijim.
