“Benz-i” misterioz dhe një thes me para”, Artan Hoxha jep detaje të reja për atentatin te Piramida (foto)

Gazetari investigativ Artan Hoxha ka reaguar lidhur me atentatin e 65 vjeçarit Behar Sofia në rrugën e Elbasanit, pranë Piramidës.

Hoxha shkruan se viktima ishte ndër personazhet kyçe të zbardhjes së masakrës së gushtit 2009 ku u vranë 4 oficerë policie.

Sipas gazetarit investigativ, Behar Sofia ka qenë i pranishëm në makinën e tij në vendin e ngjarjes ku u vranë policët.  Më tej Hoxha dha një të dhënë tjetër, kur tha se Sofia kishte ardhur për të dorëzuar një thes me para.

Postimi i plotë i Hoxhës:

Thjeshte nje episod nga arkiva…
Me në fund Benzi me targa TR 1638 S, doli nga erresira…
Por per fat te keq, humbem mundesine e fundit për te zbardhur te verteten e ekzekutimit te 4 Dëshmorëve të Atdheut, Fatos Xhani, Kastriot Feska, Saimir Duçkollari e Altin Dizdari, pjestare te skuadres operacionale te Policise se Shtetit.
Deshmitari kyç i masakres se 7 gushtit 2009, njeriu qe mund te zbardhte me detaje dhe prova, deri ku kreret e kupoles se Policise se Shtetit ishin implikuar me krimin e organizuar dhe narkotrafikun nderkombetar, nuk jeton me…
Atentati i sotem, me gjakftohtesi kirurgjikale, në zonen me te mbrojtur te kryeqytetit, me shume sesa ekzekutimi i nje personazhi mjaft të rendesishem të botes se krimit gjate 30 viteve të postkomunizmit, eshte nje mesazh i qarte se askush dhe në asnje cep të Tiranes, nga Rolling Hills deri te Kodra e Diellit, nuk eshte i paprekshem….
Po huazoj batuten e atyre të “Rruges se Elbasanit”…
“Kush e ka rradhen”…
Në foto 1)-Benzi qe nuk u ndalua kurre nga policia dhe u zhduk pa gjurme pas masakres se 7 gushtit 2009 në Durres.
Në foto 2)-Skena e plote e masakres se 7 gushtit 2009 në nje foto të vetme.
Në të djathte Tuaregu i zi me deren e pasagjerit hapur, objektiv i operacionit top sekret, pas tij dy veturat Ford të skuadres operacionale.
Në toke trupat e Deshmoreve të Atdheut, qe nuk kane marre kurre drejtesi për ate qe ndodhi. Në të majte, Benzi me targa TR 1638 S, i viktimes se atentatit te sotem qe po dorezonte nje thes te rende me euro…