Real Madrid ka marrë disa lajme të mira ditën e sotme pasi Nacho Fernandez ka rezultuar negativ për COVID-19 dhe do të kthehet në stërvitje brenda një dite.
Lojtari i Los Blancos pritet të kthehet në stërvitje të enjten në Valdebebas pasi kaloi 13 ditë në vet-izolim në shtëpinë e tij. Mbetet të shihet nëse Nacho është në gjendje pasi humbi gati dy javë stërvitje me shokët e tij të skuadrës dhe nëse ai do të përfshihet nga Zinedine Zidane në listën e skuadrës për tu përballur me Huesca të Shtunën. Me Eder Militao i cili është pezulluar pasi mori një karton të kuq kundër Levante dhe Sergio Ramos i cili ende është duke u rikuperuar nga dëmtimi i tij, Zidane mund të zgjedhë të bëjë bashkë Nacho me Raphael Varane në qendër të mbrojtjes ose madje ta luajë atë në mbrojtje të djathtë.
Ramos ende nuk ka përfunduar një seancë stërvitore por mund ta bëjë atë për ndeshjen e Huesca, por as Dani Carvajal dhe as Lucas Vazquez nuk pritet të jenë në dispozicion të Zidane.
Ndërkohë gjatë ditës së sotme u njoftua se sulmuesi i Real Madrid, Eden Hazard ka pësuar një tjetër dëmtim dhe do të qëndrojë jashte skuadrës deri në gjashtë javë pas një problemi në muskuj.
