Një ngjarje e pazakontë ka ndodhur me të riun shqipëtar në spitalin e Barcelonës. 33 vjeçari Saimir Sula mësohet të ketë humbur jetën në spitalin spanjoll dhe në trupin e pajetë është vënë re mungesa e organit të zemrës.
Ky lajm bëhet i ditur nga motra e viktimës, e cila ka bërë dhe kallzimin në Prokurori. Në një intervistë për BallkanWeb motra e të ndjerit, Majlinda Sula, tregon gjithë ngjarjen, ndërsa thekson se vëllain ja kanë vrarë mjekët spanjollë. Sula tregon të gjithë zanafillën e kësaj ngjarje të rëndë dhe dyshimet e familjes, që çuan në bërjen e një autopsie të dytë nga mjekësia ligjore në Shqipëri.
“Ne menduam që vëllain tim e kanë vrarë në spitalin e Spanjës. Dyshuam për këtë dhe kërkuam një autopsi të dytë, nuk lejuam që ai të varrosej pa iu bërë një autopsi nga mjekët në Shqipëri. Kështu që bëmë një kallëzim në mjekësinë ligjore në Shqipëri dhe para varrimit u bë autopsia dhe pastaj u varros”, shprehet ajo mes të tjerash.
Më tej ajo tregoi dhe momentin kur kishte marrë lajmin e vdekjes së vëllait nga mjekja spanjolle Petit, e cila i kishte thënë që i vëllai kishte vdekur por nuk e dinte pse.
Jo. Kur hyra në spital, pa kaluar as 20 orë, më merr në telefon doktoresha me mbiemrin Petit e më thotë ‘hajde’. Mendova se po shkoja ta merrja, kishin kaluar 20 orë, prova u bë, doli negativ. Ajo më erdhi duke qarë, më tha që ka ndërruar jetë, tha nuk e di pse, ndoshta kam bërë ndonjë gabim. Atëherë fillova të bërtisja dhe vetëm pas disa minutash, kur po mundohesha të kuptoja çfarë ndodhi, e pyeta se çfarë gabimi bëri dhe ajo më tha që ‘nuk kam bërë asnjë gabim, nuk e ke dëgjuar këtë nga unë’. I thashë që e vrave vëllain tim dhe për këtë do më japësh llogari. Ne e çuam vëllain në spital, e çutën pa bërë provën te reparti i Covid-it. Tamponi i doli negativ, ekografia e mushkërive doli mirë. Pastaj nuk e kuptuam pse. Te kartela, ku shkruhet gjithçka, thuhet që u agjitua dhe i bëmë një gjilpërë, sapo i bëmë gjilpërën, pas pak sekondash, i pushoi zemra. Pastaj, thuhet vdekje e panjohur.
Më tej vajza tregon se kishin dyshime pasi vëllai i saj ishte mirë dhe nuk kishte asnjë problem shëndetësor, por sjellja e mjekëve i kishte bërë të dyshonin. Pastaj edhe ekspertiza në Shqipêri kishte treguar se Sula kishte mungesë zemre.
Sepse ishte shumë mirë, morëm ambulancën, se nuk donte të shkonte në spital, por ai ecte me këmbët e veta. Unë jetoja me të 24 orë, nuk është se nuk e njihja vëllain. Nuk kishte asnjë lloj problemi. Kur hyra në spital, doktoresha Petit më tha ‘më fal, ndoshta kam bërë ndonjë gabim’, por kur e pyeta më pas më tha që ‘nuk kam bërë asnjë gabim, absolutisht ti nuk e ke dëgjuar këtë’. Në Spanjë nuk mund të ndiqnim një proces penal, pas pasur shkaqet.
