Gjykata e Beratit ka dhënë dënimin për Sokol Kapanovën, i cili ngacmoi seksualisht një 5-vjeçare disa muaj më parë në qytetin e Beratit. 48-vjeçari eshtë dënuar me 6 vite e 8 muaj burg me akuzën për “marrëdhenie seksuale me të mitur,e mbetur në tentativë”.
Prokurori i çështjes kishte kërkuar dënimin me 9 vite burg për Kapinovën, duke qenë se akuza ndaj tij është e provuar nga aktet e ekspertimit dhe dëshmitarët. Gjatë seancave gjyqësore i akuzuari mësohet ta ketë mohuar akuzën dhe nuk ka shfaqur pendesë. Gjyqtarët e kanë shpalllur Kapinovën fajtor pasi kanë dëgjuar pretendimet e palvë për krimin. Denim ii tij do të kryhet në burg të sigurisë së zakonshme.
Ngjarja në fjalë ka ndodhur më 18 qershor të vitit të kaluar në lagjen “Barrikadë” të qytetit të Beratit. Sokol Kapinova jetonte në afërsi me shtëpinë e së miturës dhe nga burime brenda familjarëve u bë e ditur se 48-vjeçari e kishte gënjyer vajzën e mitur së bashku me motrën e saj 7-vjeçe me ëmbëlsira dhe kumbulla,duke i futur të dyja brenda në banesën e tij. Ai e futi më pas 5-vjeçaren në njërën nga dhomat dhe filloi ta ngacmonte atë seksualisht. Vetëm kur e mitura filloi të qajë ai i la vajzate të dilnin jashtë pa menduar se ato do u tregonin prindërve. Rezultatet e ekspertizës konstatuan se e mitura kishte shenja të ngacmimit seksual.
Mësohet se 48-vjeçari rrinte shpesh dhe luante me fëmijët e lagjes në sheshpushimet përpara pallateve por deri përpara ngjarjes së rëndë askush nga banorët nuk ishte ankuar për sjelljet e tij ndaj fëmijëve. Kapinova jetonte i vetëm dhe njihej nga banorët e lagjes si një person të alkoolizuar.
