Demonstratat në mbështetje të udhëheqësit të ndaluar rus të opozitës Alexey Navalny nuk kanë ndakur këtë të dielë në Rusi, ndërsa kjo është fundjava e dytë e njëpasnjëshme në kundërshtim me autoritetet. Mbështetësit e Navalny thanë se po planifikonin protesta mbarëkombëtare në të paktën 120 qytete, me secilën që do të fillonin në mesditë me kohën lokale . Videot e mediave sociale tregojnë turma njerëzish që mblidhen në një numër qytetesh, duke brohoritur “Putini është një hajdut”, duke iu referuar Presidentit rus Vladimir Putin.
Navalny u arrestua në 17 Janar, pak pasi mbërriti në Moskë, pas mjekimit në Gjermani pasi u helmua me agjentin nervor Novichok. Ai fajësoi për helmimin qeverinë ruse, një pretendim që Kremlini e ka mohuar në mënyrë të përsëritur. Politikani aktualisht është në paraburgim përpara një seance gjyqësore në 2 Shkurt ku gjykata do të vendosë nëse dënimi i tij me kusht për akuzat e mashtrimit në një rast përvetësimi në 2014 do konvertohet në dënim me burg për shkak të shkeljes së dënimit të tij me kusht sipas autoriteteve ruse.
Sipas informacioneve 519 njerëz janë arrestuar deri më tani në të gjithë Rusinë për protestat e paaligjshme. Ky numër pritet të rritet. Video e drejtpërdrejtë nga protestat në qytetin rus Novosibirsk, në Siberi, tregoi policinë që arreston shoferët të cilët u binin borive të makinave në mbështetje të protestuesve. Më shumë se 2,100 njerëz, përfshirë gruan e Navalny, Julia, u arrestuan fundjavën e kaluar në tubime në gati 100 qytete, përfshirë Shën Petersburg dhe Moskë.
https://twitter.com/fpleitgenCNN/status/1355777725475282944/photo/
CNN
