Temperaturat e ulëta kanë “pushtuar” hemisferën veriore të globit por jo vetëm.
Këto ditë një fenomen shumë i rrallë ka ndodhur në shkretëtirat e Saharasë në zonën e Magrebit, respektivisht në Ain Sefra në Algjeri.
Gjatë javës së kaluar ky qytet dhe shkretëtira përreth tij u mbulua e gjitha me dëborë ndërsa temperaturat arritën në minus 3 gradë.
Po ashtu edhe banorët e rajonit Aseer të Arabisë Saudite vërshuan drejt shkretëtirës për të parë reshjet jashtëzakonisht të rralla të borës.
Më shumë se një gjysmë shekulli ka kaluar që kur temperaturat në provincën jug-perëndimore ranë nën zero.
Derisa janari sjell borë dhe akull në shumë pjesë të botës, shkretëtirat e Afrikës dhe Lindjes së Mesme nuk janë zakonisht në mesin e tyre, mirëpo këtë dimër me temperature ekstreme, e përjetoi edhe ky rajon si rrallë ndonjëherë më parë.
Këtë muaj janë parë regjistruar reshje dëbore në Sahara dhe temperaturat në Arabinë Saudite duke u ulur në -2C.
Ndërkohë në Arabinë Saudite, vendas dhe të huaj gjithashtu vërshuan në shkretëtirë në rajonin Aseer për të shijuar pamjen e rrallë me borë.
Ky fenomeni i pazakontë ka ndodhur pas më shumë se 50 vitesh për shkak të temperaturave të ulëta të ditëve të fundit./Gazetareforma.com/
