Një shpërthim me tritol ka ndodhur mbrëmjen e sotme në në lagjen “Rus” në Shkodër. Shpërthim me tritol në Shkodër, lënda plasëse ishte vendosur në një automjet në parkim. Pronari i mjetit ka deklaruar se nuk ka konflikte,policia dyshon se ky shpërthim mund të jetë një mesazh paralajmërues për të.
Ngjarja është regjistruar në lagjen “Partizani” (Rus). Bëhet me dije se pronari i mjetit është Nazmi Bandulla, ndërkohë që nga shpërthimi nuk ka patur të lënduar por vetëm dëme materiale.
Policia ndodhet në vendin e ngjarjes dhe po punon për zbardhjen e saj, ndërsa mësohet se shpërthimi ka trembur banorët e zonës. Në këtë lagje kla precedentë të mëparshëm të shpërthimeve, që kanë sjellë edhe dëme një njerëz, si ai disa viteve më parë tek Tregu i Ri
Njoftimi i Policisë
“Më datë 26.12.2020, rreth orës 20:25, në lagjen “Partizani”, Shkodër, mjeti i cili ishte i parkuar në oborrin e shtëpisë së shtetasit N. B, ne rrethana të paqarta dyshohet se ka shpërthyer si pasojë e lëndës eksplozive, duke shkaktuar vetëm dëme materiale”.
Nga shpërthimi fatmirësisht nuk ka të lënduar, por vetëm dëme materiale.
Në vendin e ngjarjes ndodhet grupi hetimor dhe në drejtimin e Prokurorisë së Rrethit Gjyqësor Shkodër po punohet për sqarimin e rrethanave të kësaj ngjarje.
/Gazetareforma.com/
