Pas 30 vitesh sërish në funksion, ekranoplani ushtarak i Detit Kaspik “ngrihet nga varri” (VIDEO)

Pasi qëndroi ‘i fjetur’ për më shumë se tre dekada, “përbindëshi i Detit Kaspik” ka nisur të lëvizë.

Një nga makineritë më tërheqëse fluturuese të ndërtuara ndonjëherë është duke përfunduar atë që mund të jetë udhëimi i tij i fundit.

Ekranoplani i cili i përket llojit Lun është nxjerrë nga deti Kaspik pas më shumë se 14 orësh punë intensive. Mjeti fluturues mbi sipërfaqen e ujit peshon më shumë se 380 ton.

Pavarësisht nga madhësia dhe pesha e tij, Lun ishte i aftë të arrinte shpejtësi deri në 550 kilometra në orë falë tetë turbofanëve të fuqishëm të vendosur në krahët e tij të hekurt.

Kjo makinë e frikshme ishte në gjendje të ngrihej dhe të ulej në kushte stuhie, me valë deri në dy metra e gjysmë. Misioni i tij i synuar ishte të kryente sulme të rrufeshme të shkaktuara nga deti me gjashtë raketa anti-anije që mbante në tubat e lëshimit të vendosur në majë të trupit të saj.

Lun u braktis pas shembjes së Bashkimit Sovjetik në vitet 1990 dhe u la të ndryshkej në shtratin e detit Kaspik rreth 100 kilometra larg nga bregu.

Por, para se të ‘zhdukej’ në harresë, ajo është shpëtuar dhe është shndërruar në një atraksion turistik./Gazetareforma.com