Bashkimi Europian ka bërë me dije se do të shpërndajë mbi 100 milionë doza të vaksinës kundër koronavirusit për vendet që nuk janë pjesë e BE-së.
Mirëpo për t’i tërhequr këto vaksina, duhet që shtetet jo anëtare të BE-së të të kenë marrëveshje me shtetet anëtare, në mënyrë që vaksinat të kalojnë përmes tyre.
Maqedonia e Veriut duket se do t’i marrë vaksinat kundër koronavirusit shumë shpejt, pasi disa shtete anëtare të BE-së kanë shprehur gatishmërinë për ta ndihmuar.
Ndërkohë shteti i fundit është Austria, ku qeveria e së cilës ka marrë vendimin për të ndihmuar Maqedoninë e Veriut dhe pritet që vaksina të mbërrijë në vendin fqinj në ditët e para të janarit.
Po ashtu sot, ditën e Krishtlindjes, 9750 doza me vaksinën kundër koronavirusit nga kompania Pfizer-BioΝTech kanë mbërritur edhe në Greqinë fqinje, ndërsa vaksinimi pritet të fillojë menjëherë.
Vaksinat do të ruhen në zona të veçanta, që plotësojnë të gjitha specifikat e nevojshme dhe nga aty do të shpërndahet në qendrat e vaksinimit. Mjekët në vijën e parë të luftës ndaj koronavirusit do të jenë të parët që do të vaksinohen.
Më 27 dhjetor, vaksinat e para do të kryhen në spitalet e Atikës. Ndërkohë, ditën e diel do të vaksinohen edhe Presidentja e Greqisë, Katerina Sakellaropoulou dhe Kryeministri Kyriakos Mitsotakis.
Pas të dielës, do të vijojë vaksinimi edhe në spitalet e rajoneve të tjera. Deri më 30 dhjetor, në Greqi pritet të mbërrijnë edhe 83850 vaksina nga Pfizer. Deri në fund të marsit, Greqia do të marrë më shumë se 1,2 milionë doza nga kompania Pfizer-BioNTech./Gazetareforma.com/
