Dy raste të një varianti të ri “më të transmetueshëm” të COVID-19 janë identifikuar në Britani, tha sot ministri i shëndetësisë i vendit, duke shtuar se zhvillimi ka lidhje me Afrikën e Jugut.
Të dyja rastet e variantit të ri ishin kontakte të njerëzve që kishin udhëtuar në Afrikën e Jugut javët e fundit, tha ministri i shëndetësisë Matt Hancock në një konferencë shtypi nga kryeministria Doëning Street.
Korrespodenti i Top Channel në Londër, Arben Manaj dha më shumë detaje në Open: ky mutacion i ri mendohet se ka një transmetueshmëri më të madhe se ai i pari i njoftuar. Thuhet se ka ngarkesë më të madhe virale dhe ndërkohë po bëhet prova, për të parë se çfarë lloji është.
Mendohet se ky lloj prek shumë të rinjtë. Është shokuese më shumë se sa panik. Mendohet se janari do jetë i vështirë për Britaninë pasi do jetë në mbyllje totale.
Në një kohë që në Britani të Madhe janë zbuluar dy mutacione të covd-19, ekziston frika se mund të jetë përhapur në më shumë vende apo nëse mund të mbërrijë dhe në Shqipëri, ndërkohë që fluturimet me Anglinë janë anuluar.
Shefi i Urgjencës Kombëtare doktor Skënder Brataj tha në Open se nuk ka nevojë për panik: Duhet të kalojmë mesazhin se mutacionet kane qenë janë dhe do jenë, të tillë natyrë kanë viruset. Ka transmetueshmëri më të madhe ky lloj, përhapet më shpejtë por jo që shkakton sëmundje të një formë më të rëndë.
Mutacionet janë midis enzimave që lidhin virusin e qelizën . Por ndryshimet e virusit duhen monitoruar. Tani duhet të marrim parandaluese.
E dedektojmë dot ne? Jo, por nuk jemi vetëm ne. Britania e ka sistemin e dedektimit, por ne jo.
Por sa shqetësues është fakti që nuk e dedektojmë dot?
Mjeku Dritan Ulqinaku tha se nuk është aspak shqetësuese, “gjysma e vendeve nuk i ka mjetet për të survejuar për të bërë laboratore të veçanta për sëmundje të veçanta”, tha ai.
