Anxhela Peristeri është shpallur fituesi i Edicionit të 59-të të Festivalit të Këngës në Rtsh. Kënga e saj ‘Karma’ arriti të mposht rivalët, duke rrëmbyer çmimin prestigjoz.
Këngëtarja e talentuar fitoi shumicën e pikëve nga juria, duke marrë kështu të drejtën për të përfaqësuar vendin tonë në Eurovision, i cili do të mbahet në Hollandë nga 18 maj deri më 22 maj 2021.
Peristeri fitoi duelin për çmimin e parë me dy këngëtarë mjaft të talentuar, si Sardi Struga, i renditur i dyti me këngën “Kam me të ba me kajt” dhe Festina Mezini, e cila me “Kush je ti moj dashuri” plotësoi podin e një edicioni ndryshe nga ato të shkuarat.
Gjithshka që do të vinte në skene ishte menduar në perfeksion për të perçuar një natë muzike vërtet të veçantë dhe për të përjetuar një përvojë të rrallë muzikore midis artistëve konkurrues dhe të ftuarve të kësaj mbrëmje.
Tingujt muzikore të interpretuar nga këngëtarë të brezave të ndryshëm do të na kujtonin edhe njëherë këmbënguljen e stafit organizativ për ta mbajtur këtë festival, dhe e gjitha kjo nuk ishte një kapriçio artistike, por një thirrje njerëzore, për të ruajtur ndjesinë e vazhdimësisë.
Juria e Fest ‘59, një natë më parë vendosi të kalojë në finalen e 23 dhjetorit këngët e interpretuara nga:
Orgesa Zaimi
Festina Mejzini
Devis Xherahu
Inis Neziri
Florent Abrashi
Sardi Strugaj
Gjergj Kaçinari
Rosela Gjylbegu
Kastro Zizo
Wendi Mancaku
Evi Reçi
Xhesika Polo
Anxhela Peristeri
Era Rusi
Gigliola Haveriku
Viktor Tahiraj
Kamela Islamaj
Mirud
Kjo pasi ky edicion u mbajt në kushtet e pandemisë së Covid-19 dhe mungoi publiku rreth skenës.
