Ndërsa e gjithë bota po zien nga pasiguritë dhe frika që ka sjellë ky version i ri i koronavirusit mjekët në të gjithë botën mbajnë shpresën se vaksina do mund ta luftojë atë.
Të njëjtin qëndrim ka shprehur edhe mjeku i njohur shqiptar që punon në Itali, Genci Kapxhiu.
Gjatë një interviste televizive ai tha se bota është e alarmuar për shkak se ky virus përhapet shumë me shpejtësi se Covid-19 dhe ende nuk dihen simptomat e parë që shfaq, apo dhe kura që mund ta përballojë.
Sakaq, ai këshilloi që edhe vendi ynë të marrë masa, sepse edhe në Itali nuk mendohej për këtë virus të ri ama tashmë atje janë regjistruar rastet e para.
“Trajtimi me vaksinën është i njëjti. Nuk menduam se do vinte në Itali por faktikisht komunikimi i ministrit, është që kemi një çift të infektuar me këtë virus.
Është më agresiv por kohën e përhapjes. Ditët e inkubacionit janë me të pakët. Lajmi i fundit që doli mbrëmë është se ky lloj virusi është i izoluar. Problemi kryesor është se ne akoma nuk e dimë nëse janë apo jo të sakta në tampon. Se cilat janë antitrupat që duhet të kapim”, tha ai.
Sipas mjekut Kapxhiu, një fakt tjetër shqetësues është se nuk dihet që pas këtij mutacioni virusi mund të prekë sërish ata që e kaluan njëherë apo jo, pra tani askush nuk është imun deri në një vërtetim të dytë.
Gjithsesi, sipas tij vaksina vazhdon të mbetet një shpresë, sepse vendet e prekura po aplikojnë vaksinën edhe pasi zbuluan këtë version të ri.
Sakaq ai u kërkoi qytetareve të respektojnë masat anti-covid për të frenuar përhapjen e virusit të ri.
“Nuk e dimë se si ky virus prek apo jo edhe persona të imunizuar më përpara. Vaksina e mbulon edhe këtë lloj virusi. Ndaj duhet bërë sa më shpejt vaksinë dhe e parandalojmë.
Londra e ka filluar më datë 7 vaksinimin. Do të thotë që ata e dinin diçka. Informacionet janë shumë të pakta po klinikisht është me të njëjtat parametra si Covid-19.
Problemi është koha e shkurtër. Festat nuk duhet të ekzistojnë. Duhet të eliminohet spostimi i familjeve tek njëra-tjetra. Dhe gjëja kryesore është mbajtja e maskës, distancimi, dezinfektimi dhe higjiena.
Shpresoj që të jetë i vetmi rast ky çift në Itali sepse pastaj do të ishim shumë në vështirësi pasi faza e inkubimit është 3 deri në 5 ditë. Akoma nuk e kam kaluar virusin dhe nuk dua ta provoj si është, preferoj të bëj vaksinën”, ka thënë mjeku Kapxhiu./Gazetareforma.com/
