Pas vëzhgimeve të studiuesve se në Britaninë e Madhe është përhapur me shpejtësi një (mutacion), version i ri i Covid-19, shumë vende kanë anulluar menjëherë fluturimet, apo kanë bllokuar edhe udhëtimet në forma të tjera me Anglinë.
Shtete si Irlanda, Franca dhe Gjermania, i bashkohen në të këtë mënyrë vendimit të qeverive të Italisë, Belgjikës dhe Hollandës për t’i bërë bllokadë marrëdhënieve hyrëse dhe dalëse me Mbretërinë e Bashkuar.
Varianti i ri i virusit është përhapur me shpejtësi në Londër dhe në Anglinë jug-lindore.
Po ashtu edhe Italia ka shënuar pacientin e parë me variantin e ri të koronavirusit, i cili duket se e ka zanafillën në Britaninë e Madhe.
Lajmi është bërë i ditur nga mediat fqinje, që pranojnë se pacienti është izoluar nga pjesa tjetër e familjes.
Mësohet se pacienti ishte kthyer në Fiumicino pas një fluturimi nga Mbretëria e Bashkuar.
Tipi i ri i koronavirusit është jashtë kontrollit dhe besohet se është më i ngjitshëm se Covid-19, por më pak i rrezikshëm.
Zyrtarët e lartë të shëndetësisë në Britani si dhe OBSH-ja, kanë deklaruar fillimisht se nuk ka prova që varianti i ri i virusit është më vdekjeprurës. Gjithsesi, masat për parandalimin e përhapjes së tij janë duke u marrë tashmë./Gazetareforma.com/
