Një ngjarje e rëndë është shënuar në Moldavi, ku një vajzë 21-vjeçare ka goditur me thikë duke lënë të vdekur nënën e saj, 40-vjeç.
Sipas asaj që raportojnë mediat vendase, Anna Leikovic goditi me thikë nën në bark dhe më pas i nxori zemrën dhe organet e tjera jetësore nga trupi ndërkohë që ajo ishte akoma gjallë.
Studentja e mjekësisë sulmoi nënën, Praskovya Leikovic, pasi kjo e fundit e akuzoi se konsumonte lëndë narkotike. Pas aktit, Anna bëri qetësisht dush dhe doli të takohej me të dashurin.
Studentja u arrestua të nesërmen e incidentit. Xhaxhai i vajzës u shpreh se Praskovya e donte shumë të bijën dhe se ata ishin një familje shumë e mirë, prandaj ishte shumë e vështirë për të besuar se kjo gjë kishte ndodhur me të vërtetë.
Ai tha se u desh të kërkonte përgjigje nga policia për 2 orë të tëra në lidhje me çfarë kishte ndodhur deri sa ata i treguan se e dyshuara për ngjarjen ishte Anna./Gazetareforma.com/
