Ministrja e Financave, Anila Denaj dhe Ministri i Rindërtimit, Arben Ahmetaj kanë reaguar pas vendimit të Presidentit Ilir Meta për të rikthyer në Kuvend projektligjin për buxhetin e vitit të ardhshëm.
Ministrja Denaj është shprehur se buxheti i vitit 2021, është ai i “rimëkëmbjes me objektiv rritjen e vendeve të punës, nxitjes së bizneseve, rritjes së pagave në shëndetësi e arsim dhe rritje të investimeve publike në infrastrukturë”.
Shifrat e Shëndetësisë
“Ky është buxheti më i lartë në shëndetësi në 10 vitet e fundit, e përtej faktit që jo të gjithë e lexojnë njësoj e dua t’i jap një përgjigje presidentit për disa nga argumentet ku rritja minimale e parashikuar sipas argumenteve ne kete shkrese, zeron disa zëra të rëndësishëm të rritjes sic janë rritjet e pagave te mjekëve e infermierëve, janë zëra që janë në buxhet, dhe për këtë vit të vështirë është një mbështetje jo vetëm për këtë sektor, por kjo situatë në asnjë vend në rajon nuk ka ndodhur, qeverisja socialiste e ka marrë kete angazhim për të mbeshtetur në ditët e tyre më të vështira”, ka thënë Denaj.
Përgjigje për kreun e shtetit, ministrja kishte edhe sa i takon argumenteve që kishte bërë Meta lidhur me punësimin.
“Ka një diskutim për synimin në raport me papunësinë. Synim është ulja e papunësisë, por para se të shkojmë te buxheti, themi që në 2019 në fund të tij arritëm nivelin më të ulët të papunësisë, 11.6 % që vjen nga një % e lartë në 2014-ën. Kjo është përpjekje që realizohet në shumë krahe, jo vetëm në raport me investimet, por edhe skemave. Ky është buxheti më i lartë në investime”, ka theksuar ajo.
Ahmetaj për punësimin
Ministri i Rindërtimit, Arben Ahmetaj në konferencën e sotme për shtyp ka bërë një bilanc të qeverisë për politikat se saj sociale në më shumë se 7 vite në pushtet për qytetarët dhe bizneset.
Ahmetaj i qëndron premtimit të 2013 për 300 mijë vende të reja pune, duke thënë se nëse shihet me lupë dhe jo me emocione politike atëherë shifrat janë aty.
”Ai diskutimi pa shifra që bëhet në çdo terren ku janë 300 mijë të punësuari,t kur shihet me lupë të shëndetshme, dhe jo politikisht emocionale. numrat janë aty, siç është konsumi dhe bizneset.”- tha Ahmetaj.
Sipas Ahmetajt në qeverisjen e PS numri i bizneseve të vogla u rrit me 3 herë duke u bërë dhe burim punësimi. Po ashtu ai i qëndroi edhe politikës progresive duke theksuar se ajo risolli në xhep të qytetarëve të shtresës së mesme dhe në nevojë më shumë para.
/GazetaReforma.com/
