Një aksion blic anti-droge është zhvilluar këtë mëngjes në Vlorë, ku kanë rënë në prangat e policisë rreth 30 persona.
Mësohet se ata janë arrestuar pasi akuzohen për trafikim të lëndëve narkotike dhe kultivim. Aksioni është përqendruar kryesisht në zonën e “Lumit të Vlorës” dhe në qytetin bregdetar. Të arrestuarit janë mbajtur prej kohësh në mbikëqyrje.
Rrjeti ka qenë në survejim prej disa kohësh dhe policia lokale ka arritur të sekuestrojë një sasi të konsiderueshme kanabis.
Sakaq, operacioni vijon ende në kontrollin e disa bazave dhe banesave në të cilat policia dyshon se mund të gjejë elementë që ndihmojnë hetimin.
/GazetaReforma.com/
