Shqipëria do të ketë skuadra të forta si rivale për garën për në kampionatin botëror të futbollit, që do të zhvillohet pas dy vitesh në Katar.
Vendi ynë ka njohur sot rivalet e saj në eliminatoret e “Botërorit 2022” që do të zhvillohet në Katar.
Shorti i hedhur në Zyrih të Zvicrës ka vendosur kuqezinjtë në “Grupin I” me gjashtë skuadra, Anglinë, Poloninë, Hungarinë, Andorrën dhe San Marinon.
32 skuadrat pjesëmarrëse të këtij botërori janë të ndara në 6 vazo të cilat më pas ndahen në 10 grupe, 5 grupet e para kanë nga 5 ekipe dhe 5 grupet e tjera, janë të ndara në 6 ekipe.
Ky konsiderohet si një grup me të vërtetë i vështirë për skuadrën e drejtuar nga Edi Reja. Favoritë janë anglezët, por Shqipëria do të përballet me dy skuadra të nivelit mbi mesatar, si Polonia e Robert Lewandowskit, dhe Hungaria.
Gjithsesi, përfaqësuesja kuqezi do të ketë në grup rivalë shumë më të lehtë, pasi do të luajë kundër Andorrës dhe në një grup të vështirë si ai “B” është shortuar Kosova, që do të përballet me Spanjën, Suedinë, Greqinë dhe Gjeorgjinë.
Ndeshjet kualifikuese të “Botërorit 2022” për zonën europiane do të nisin në muajin mars.
/GazetaReforma.com/
