Ditën e sotme në Tiranë do të nisin testimet e shpejta për pacientët të cilët dyshohet se janë të prekur nga Covid-19.
Ministrja e Shëndetësisë, Ogerta Manastirliu, ka bërë të ditur nëpërmjet një postimi në rrjetin social Facebook, se ISHP ka marrë 100 mijë testet e para të shpejta anti-covid nga OBSH-ja.
Po ashtu ministrja ka theksuar se të gjithë qytetarët që duan të bëjnë testin, duhet ta bëjnë rezervimin pranë mjekut të familjes.
“Nga sot ekipet e epidemiologëve të terrenit do të kryejnë edhe testet e shpejta, përveç testimit me metodën PCR, duke rritur aksesin për qytetarët për testimin në #kohë dhe të sigurt.
100,000 teste të shpejta të siguruara dhe do të vijojmë të rrisim kapacitetet me të dy metodat e testimit.
Së shpejti, hapen disa pika në Tiranë dhe në qytetet e tjera për testimin me rezervim pranë mjekut të familjes”, ka shkruar Manastirliu./Gazetareforma.com/
