Pas tre dekadash në pushtet, partia e Presidentit Milo Gjukanoviç, Partia Demokratike e Socialistëve (DPS), nuk do të jetë pjesë e qeverisë së re malazeze.
Mediat malazeze, kanë bërë me dije se me votat e 41 deputetëve, nga gjithsej 81 në Parlamentin e Malit të Zi, është zgjedhur qeveria re e kryesuar nga Zdravko Krivokapiç.
Partia Demokratike e Socialistëve (DPS), e Presidentit aktual Milo Gjukanoviç, u mund në zgjedhjet e 30 gushtit të këtij viti.
I dalë fitues nga zgjedhjet e 30 gushtit, kryeministri i Zdravko Krivokapiç, u përzgjodh nga koalicioni fitues si prijës i listës, duke qenë një person jopartiak, dhe si bartësi i tri koalicioneve që fituan zgjedhjet, i cili përbëhet kryesisht nga Fronti Demokratik Pro-Serb.
Kryeministri i sapozgjedhur, Krivokapiç, para betimit, deklaroi se qeveria e tij përgjatë mandatit prej katër vjetësh, do të përfaqësojë zbatimin e demokracisë së drejtpërdrejtë./GazetaReforma.com/
