Derbi i kryeqytetit Tirana-Partizani, sjell gjithmonë një atmosferë dhe ndjesi unike, pavarësisht se jemi edhe në situatë pandemie.
Si pasojë derbi nuk ka një rëndësi vetëm për pikët, por edhe tifozeritë, ideologjitë që mbartin, koreografitë dhe jo vetëm. Ndaj të dyja skuadrat nuk duan që të dalin të mundura nga kjo sfidë.
Duket se kjo atmosferë ka bërë që edhe trajnerët e të dyja skuadrave të veprojnë në mënyra të ndryshme për këtë sfidë në derbin e kryeqytetit.
Dede, duke parë që skuadra e orientuar drejt sulmit ka lënë hapësira në prapavijë. Kështu, sot në fushë nga minuta e parë luajnë 5 mbrojtës, në një rreshtim ku synohet bllokimi i manovrës së të kuqve.
Ndërkohë, trajneri Ilir Daja nuk ka ndryshuar skuadrën në krahasim me ndeshjen e kaluar, duke i besuar ekipit fitues, që sheh Solomon dhe Malën nga krahët në mbështetje të Kardozos, me Bardhin i cili vepron si organizator në mesfushë.
Formacionet zyrtare
Tirana: Bekaj, Hoxhallari, Najdovski, Vangjeli, Ismajlgeci, Toshevski, Batha, Toli, Danso, Torasa, Muçi.
Trajner: Nevil Dede
Partizani: Hoxha, Idrizaj, Bitri, Belica, Hakaj, Kote, Solomon, Broja, Bardhi, Mala, Kardozo.
Trajner: Ilir Daja
