Shqipëria është duke u diskutuar akoma në Samitin e Ambasadorëve të vendeve të BE-së. Pas një propozimi të Presidencës gjermane, të hënën pritet të merret vendim për kuadrin negociues, që hap rrugën për konferencën e parë ndërqeveritare me BE-në.
Mbledhja e Këshillit të Ambasadorëve të Bashkimit Europian është shtyrë për ditën e hënë, pasi mbledhja e sotme u mbyll pa një vendimmarrje mbi përfundimet për vendet e zgjerimit dhe për miratimin ose jo të kuadrit negociues për Shqipërinë, sipas propozimit të presidencës gjermane.
Duke parë qëndrimin bllokues të Bullgarisë për Maqedoninë e Veriut si dhe mungesën e një konsensusi të arritur më parë për kuadrin negociues dhe zgjerues, Presidenca gjermane është detyruar të kërkojë më shumë kohë.
Kjo ka çuar në shtyrje të mbledhjes së Ambasadorëve në BE-së për ditën e hënë, edhe pse ishte parashikuar që çështjet e lartpërmendura, të diskutoheshin sot rreth orës 20:00 të mbrëmjes.
Përveç Bullgarisë, që ka bllokuar fqinjin, një pjesë e vendeve janë të pakënaqura, për faktin që Shqipëria të ecë para vetëm dhe pa Maqedoninë e Veriut. Kur e ka parë që nuk ka pasur konsensus, Presidenca gjermane ka kërkuar të marrë më shumë kohë.
