Mbrëmjen e sotme një shpërthim i fortë ka ndodhur në lagjen “Tom Kola” në Shkodër.
Policia e Shkodrës bëri me dije se ngjarja ka ndodhur rreth orës 20:45 dhe se fatmirësisht nga shpërthimi nuk pati njerëz të lënduar, por vetëm dëme të shumta materiale.
Bëhet me dije se lënda eksplozive është vendosur në lokalin e 46-vjeçares Hana Fojleta.
Ndërkohë sipas informacioneve paraprake nga grupi hetimor, lënda plasëse është vendosur në derën e lokalit, i cili ka qenë i mbyllur në momentin që ka shpërthyer.
Policia ende nuk ka arritur që të identifikojë autorin/ët e ngjarjes, por po punon për zbardhjen e plotë të saj, teksa shumë qytetarë janë marrë në pyetje në rolin e dëshmitarit okular.
Njoftimi i Policisë:
Shkodër/Informacion Paraprak
Më datë 18.11.2020, rreth orës 20:50, në lagjen “Tom Kola”, Shkodër, përpara lokalit Bar kafe në pronësi të shtetases H. F. 46 vjeçe, banuese në lagjen Tom Kola Shkodër, ka shpërthyer lëndë plasëse, ku ka vetëm dëme materiale.
Po punohet me grup hetimor për sqarimin e rrethanave të kësaj ngjarje, identifikimin dhe kapjen e autorit/ve.
