Fqinji ynë perëndimor, Italia, vijon të jetë në një situatë dramatike për shkak të koronavirusit.
Edhe gjatë përditësimit të sotëm zyrtar të Ministrisë së Shëndetësisë italiane, mësohet se gjatë 24 orëve të fundit, janë shtuar sërish rastet e reja me covid-19, si dhe vazhdon trendi negativ me qindra të vdekur çdo ditë.
Bëhet me dije se gjatë ditës së sotme janë regjistruar 34.282 të infektuar të rinj me Covid-19, si dhe 753 persona kanë humbur jetën.
Ndërkohë kujtojmë se vetëm ditën e djeshme u regjistruan 32.191 persona të infektuar me Covid-19.
Gjithashtu gjatë 24 orëve të fundit, kanë ndërruar jetë 753 persona, ndërsa ditën e djeshmer ishin 731 pacientë të vdekur nga koronavirusi.
Deri më tani, Italia Veriore mbetet zona më e goditur nga pandemia, sidomos rajoni i Lombardisë me me 7633 të infektuar, rajoni i Kampanja me 3657 të infektuar, si dhe rajoni i Piemontes me 3281 persona të infektuar./GazetaReforma.com/
