“60 familje vajtojnë, Kryeministri dëfrehet në Instagram”, ka deklaruar pak më parë kryetari i Partisë Demokratike, Lulzim Basha. Ai deklaroi se në një javë 60 persona kanë ndërruar jetë për shkak të koronavirusit.
Përmes një postimi në ‘Tëitter’ lideri demokrat thekson se kryeministri Edi Rama është i pandjeshëm për situatën dhe dëfrehet duke bërë meme në instagramin e tij.
“Mbi 60 njerëz vdiqën këtë javë nga virusi, mbi 60 familje të dërrmuara po qajnë dhe vajtojnë sonte të dashurit e tyre, ndërsa kryeministri i pandjeshëm dëfrehet duke bërë meme në Instagramin e tij. Ditë e trishtuar për vendin tonë!”, shkruan Basha.
Prej disa ditësh, Rama dhe eksponentë të tjerë të PS-së e kanë akuzuar Bashën për zhdukjen e një kasete që tregonte pamjet e masakrës së serbëve në Krushë të Kosovës. Kryetari i PD-së ka zgjedhur të mos tërhiqet në këtë drejtim, por ka vazhduar fushatën duke kritikuar qeverinë në lidhje me menaxhimin e krizës së Covid-19.
/GazetaReforma.com/
