Gjykata e Sarandës megjithëse kishte pezulluar proceset për shkak të situatës së Covid-19, ka gjetur kohën sot të lirojë një të akuzuar për përdhunim. 72-vjeçari Bajram Tusha, i akuzuar për përdhunimin e një 17 vjeçareje, nga sot do të gjykohet në arrest shtëpie.
Gjykata e Sarandës ka marrë një vendim duke zëvendësuar akuzën nga “marrëdhënie seksuale me të mitur” në “ngacmim seksual me të mitur” dhe ka zëvendësuar masën e sigurimit për të nga “Arrest ne burg” në “Arrest në shtëpi”. Tusha kishte kërkuar zëvendësim e kësaj mase sigurimi edhe në korrik, por nuk i ishte pranuar.
Gjykata e Sarandës ka lënë në masë arresti me burg 72-vjeçar, Bajram Tusha, në akuzë për abuzim seksual me një vajzë 17-vjeçare, mohoi akuzat në sallën e gjyqit. “Shkoj në burg vetëm për shkak se e kam ndihmuar këtë familje”, mësohet të ketë thënë i moshuari
Procesi ka filluar në 24 prill 2020. Në atë kohë prokuroria kërkoi burg pa afat në bazë të denoncimit të 17-vjeçares dhe të dashurit të saj, gjithashtu dorëzoi edhe një përgjim ambiental gjatë momentit të ballafaqimit midis 17-vjeçares dhe Bajram Tushës. Në këtë takim të përgjuar, mësohet se i moshuari i ka kërkuar vajzës të ndryshojë denoncimin dhe të tërheqë padinë.
/GazetaReforma.com/
